ప్రయాణించి ప్రయాణించి
ఒక్క కన్నీటిబొట్టు లోతుల్లోకి
చేరుకుంటాను
మంచుబొట్టు తాకిడికే
ముడుచుకుపోయే
అత్తిపత్తి ఆకుల నిశ్శబ్దం
నాలో ప్రవేశిస్తుంది
రాత్రంతా దుఃఖించే
నదీ నక్షత్రాలూ
నాకిప్పుడు బోధపడుతున్నాయి!
Saturday, June 23, 2012
Saturday, June 9, 2012
వెదురుపొద - నది
వెదురుపొద :
పాటకోసం తూట్లుపొడిచేవాళ్ళే తప్ప
నా గురించి పాడేవాళ్ళే లేరు
పక్కన కూచోబెట్టుకుని
చక్కగా పాడతావు
యుగాలుగా
అలుపెరుగక..
కొండగాలికి నే పాడే పాట
నిజానికి నువ్వు నేర్పిందే
నది :
దాహం తీర్చుకుని
కలుషితం చేసేవాళ్ళే తప్ప
గుండె కరిగి పాడుతున్నా
వినే గుండె లేదు
అంగీకారంతో తలూపుతూ
ఆనందంగా వింటావు
నిరంతరం నీ నీడ
నాలో ప్రతిఫలిస్తుంది
మనల్ని బంధించిన పాట కోసమే
మనిద్దరం
ప్రపంచంతో
పనేమిటీ?
పాటకోసం తూట్లుపొడిచేవాళ్ళే తప్ప
నా గురించి పాడేవాళ్ళే లేరు
పక్కన కూచోబెట్టుకుని
చక్కగా పాడతావు
యుగాలుగా
అలుపెరుగక..
కొండగాలికి నే పాడే పాట
నిజానికి నువ్వు నేర్పిందే
నది :
దాహం తీర్చుకుని
కలుషితం చేసేవాళ్ళే తప్ప
గుండె కరిగి పాడుతున్నా
వినే గుండె లేదు
అంగీకారంతో తలూపుతూ
ఆనందంగా వింటావు
నిరంతరం నీ నీడ
నాలో ప్రతిఫలిస్తుంది
మనల్ని బంధించిన పాట కోసమే
మనిద్దరం
ప్రపంచంతో
పనేమిటీ?
Subscribe to:
Posts (Atom)