అఖండ ప్రవాహానివి నువ్వు
మంచు ముక్కనై
నీలోకి
నేను
* * *
అనంతమైన అగాధానివి నువ్వు
జలపాతాన్నై
నిన్ను అన్వేషిస్తూ
నేను !
Tuesday, November 16, 2010
Tuesday, November 2, 2010
చంద్రుడు
ఎన్ని మహానదుల్లో
మునుగుతున్నా
చంద్రుడిలోని
మచ్చలు పోవు
ఎన్ని మబ్బులు
కమ్ముకుంటున్నా
ఆ నవ్వులోని
స్వచ్ఛతా పోదు!
మునుగుతున్నా
చంద్రుడిలోని
మచ్చలు పోవు
ఎన్ని మబ్బులు
కమ్ముకుంటున్నా
ఆ నవ్వులోని
స్వచ్ఛతా పోదు!
Sunday, September 12, 2010
Wednesday, June 23, 2010
మరో పువ్వు
ఈ సెలయేటిలో దాహం తీర్చుకుంటాను
ఈ చెట్టు నీడలో విశ్రమిస్తాను
వచ్చిపోయే మేఘాల్ని లెక్కించడంలో
మధ్యాహ్నమంతా గడిచిపోతుంది
సాయంకాలం
గూళ్ళని చేరే పక్షులతోపాటు
నా మనసుకూడా
పాటనుండి క్రమంగా
మౌనంలోకి ప్రయాణిస్తుంది
అర్ధరాత్రి నిశ్శబ్దంలో
ఆత్మనొక పుష్పంగా
వికసింపజేసే రహస్యం
ప్రతిమొక్కా నాకు
చెప్తునే ఉంటుంది
వేకువ కాంతిలో
వెలిగిపోతూ
నీ పాదాల చెంత..
మరో పువ్వు!
Thursday, April 22, 2010
చిట్టి కవితలు
1.
ఇప్పటిదాకా నేర్చుకున్న
భాషలన్నీ మర్చిపోయి
నీతో మాట్లాడేందుకు
ఒక కొత్త భాషని
సృష్టించుకుంటాను
నీ కేరింతల్లో
నా కేరింతలు కూడా
కలిసిపోతాయి
2.
పాకడమైనా రాని నువ్వు
ఎక్కడెక్కడి లోకాలకో
తీసుకుపోతుంటే
ఆనందంగా
నీ వెనక నేను!
3.
నీ సమక్షంలో
చైతన్యమొచ్చిన బొమ్మల మధ్య
కదలక మెదలక నిల్చున్న బొమ్మ
అది నేనే!
4.
నీ చుట్టూ
నిరంతరం ఎగిరే
జంట సీతాకోకలు
అమ్మా, నేను!
5.
మనసులో ఏ మూలో
మంచులా ఉన్న నా పసితనం
నీ వెచ్చని బోసినవ్వులతో
మళ్ళీ కరిగి ప్రవహిస్తుంది
ఆ ప్రవాహంలో
ఒక కాగితప్పడవనై
అలా..అలా
తేలిపోతుంటాను
మళ్ళీ
నీ చిట్టి చేతులే
ఒడ్డుకి చేర్చాలి!
6.
ఆడి ఆడి అలసిపోయిన నిన్ను
నిద్రకు ముందు ఆవరించే నిశ్శబ్దంలో
నా గుండె చప్పుడు నాకు
తృప్తిగా వినిపిస్తుంది!
ఇప్పటిదాకా నేర్చుకున్న
భాషలన్నీ మర్చిపోయి
నీతో మాట్లాడేందుకు
ఒక కొత్త భాషని
సృష్టించుకుంటాను
నీ కేరింతల్లో
నా కేరింతలు కూడా
కలిసిపోతాయి
2.
పాకడమైనా రాని నువ్వు
ఎక్కడెక్కడి లోకాలకో
తీసుకుపోతుంటే
ఆనందంగా
నీ వెనక నేను!
3.
నీ సమక్షంలో
చైతన్యమొచ్చిన బొమ్మల మధ్య
కదలక మెదలక నిల్చున్న బొమ్మ
అది నేనే!
4.
నీ చుట్టూ
నిరంతరం ఎగిరే
జంట సీతాకోకలు
అమ్మా, నేను!
5.
మనసులో ఏ మూలో
మంచులా ఉన్న నా పసితనం
నీ వెచ్చని బోసినవ్వులతో
మళ్ళీ కరిగి ప్రవహిస్తుంది
ఆ ప్రవాహంలో
ఒక కాగితప్పడవనై
అలా..అలా
తేలిపోతుంటాను
మళ్ళీ
నీ చిట్టి చేతులే
ఒడ్డుకి చేర్చాలి!
6.
ఆడి ఆడి అలసిపోయిన నిన్ను
నిద్రకు ముందు ఆవరించే నిశ్శబ్దంలో
నా గుండె చప్పుడు నాకు
తృప్తిగా వినిపిస్తుంది!
Tuesday, February 23, 2010
Subscribe to:
Posts (Atom)