నీ స్పర్శే నాలోని పాటని మేల్కొలిపింది
నేను పూర్తిగా నీలో మునిగి ఉంటాను
కేవలం మనిద్దరి కలయికనీ చూడ్డానికే
ఒకర్నొకరు తోసుకుంటారు సూర్యచంద్రులు
పూవులు రాలిపోతుంటాయి
యుగాలు గడిచిపోతుంటాయి
నువ్వు మాత్రం నా మీంచి ప్రవహించి
ఎల్లప్పటికీ నన్ను తేటగానే ఉంచుతావు
మన విషయంలో మరుపు,జ్ఞాపకం
మొదలైన మాటలకి అర్ధమే లేదు
గులకరాయి తన సెలయేటిని
గుర్తుంచుకోడమూ, మర్చిపోడమూనా!
2 comments:
:) బావుంది. మీంచి కన్నా మీద నించి అంటే బావుండేదేమో సుబ్రహ్మణ్యం గారూ.
గులకరాయి సెలయేరు కలయిక చూడటం కోసం సూర్యచంద్రులు తోసుకోవటం అంటే?
బ్లాగు మొదలెట్టారా? చాలా సంతోషం. స్వాగతం.
Post a Comment